たまご園 (北角匯) (Closed)

之前上網見過呢間雞蛋專門店一直想試，今日嚟到北角見到有分店就排隊試下。餐廳除咗主打由沖繩直送嘅雞蛋外，仲有多款特色飲品。我揀咗黑糖珍珠奶珠，飲落唔算好甜，珍珠都幾彈牙。友人揀咗鮮果水果茶，生果多達五六款，酸酸甜甜幾開胃。主食我揀咗燉牛肉蛋包飯，牛肉切好厚身大粒，燉得好腍好入味好好食。蛋包飯外層雞蛋香滑，完美地包曬成個飯無穿無爛。飯加咗雞肉粒同冬菇一齊整，食落味道更香更有口感。友人就揀咗海鮮蕃茄忌廉蛋包飯，海鮮以蝦肉及章魚為主，醬汁蕃茄味重唔錯。最後我哋揀咗一人一個班戟，班戟整得比較鬆軟，食落口感好綿。香桃焦糖味道比較甜，而士多啤梨味就酸酸地，兩款各有特色。