Lagom Kaffe (Closed)

位於工商區的簡約cafe, 搵呢度主要係見到佢既地方好大，座位也寬敞，而且唔會有限時還枱，真係一個同朋友傾計聚會既好地方。裝修簡約，以白色，木色為主，感覺舒服。點左黑咖啡同cappuccino, 咖啡份量唔少，都係大杯，cappuccion既拉花仲要係獨角獸，好有心思。食物點左All Day Breakfast同埋台北燉牛肉意粉。All Day Breakfast既野食都係正常發揮，個多士係牛油煎白左，所以好香脆。本來好期待燉牛肉意粉，有少少麻辣味道，都幾特別，但牛肉無牛味，下面的肉碎好肥，食到底好多油，唔會推薦。清潔方面都要加強，我地坐既枱仲有少少食物碎屑，而且卡位最裡面的地下都沒有好好打掃，呢度有少少扣分。