Video
Read full review
2021-03-21
1609 views
所謂「世事如棋，每局都撲朔迷離」，邊估到素食沙漠將軍澳無耐之前先開左間聰嫂（坑口），咁快又有多個「二嫂」加入素食江湖先得架～雖然一夫多妻制一早冇左好耐，不過多個阿嫂即係多啲野食，你話幾盞！重要呢位阿嫂係講心架添！ 無錯！今次要掃既對象就係從心素食喇！wow～從心呀師主！講得妙，食素只係口裡素，心唔素，不足矣～就等我地黎睇下呢間野又有幾從心先！ 不過！我地先放低獸性既食慾，睇睇個殼先。整體風格清簡，店內唔算好大，座位數都算夠，最緊要係唔會好迫。最入位置係直身大玻璃，可以邊食邊望下出面冇咩野既景，日間黎食應該可以吸收埋太陽既維他命D。 雖然個殼冇咩好品嚐，不過外表既野冇問題，最緊要內在美嘛！素人A：「點攪呀，menu多野冇問題呀，樣樣想食先煩呀！」素人B：「為左寫report你可以去到幾盡？不如我地叫哂中西日佢啦！」就係咁，係食慾同理性之間既鴻溝中，做左6個決定～先進場既有日方代表佳麗！香芒魚生壽司雖然明知啲所謂魚生會用蒟蒻做，不過唔知係咪因為切到細細粒既關係，竟然真係好似（口感）！加埋芒果更加好味，而且塊紫菜都係脆既，証明新鮮！黃金雜菜天婦羅先睇下雜菜有乜雜菜先～目／口測下有三色椒、南瓜
雖然一夫多妻制一早冇左好耐，不過多個阿嫂即係多啲野食，你話幾盞！重要呢位阿嫂係講心架添！
無錯！今次要掃既對象就係從心素食喇！
wow～從心呀師主！講得妙，食素只係口裡素，心唔素，不足矣～
就等我地黎睇下呢間野又有幾從心先！
不過！我地先放低獸性既食慾，睇睇個殼先。
整體風格清簡，店內唔算好大，座位數都算夠，最緊要係唔會好迫。最入位置係直身大玻璃，可以邊食邊望下出面冇咩野既景，日間黎食應該可以吸收埋太陽既維他命D。
雖然個殼冇咩好品嚐，不過外表既野冇問題，最緊要內在美嘛！
素人A：「點攪呀，menu多野冇問題呀，樣樣想食先煩呀！」
素人B：「為左寫report你可以去到幾盡？不如我地叫哂中西日佢啦！」
就係咁，係食慾同理性之間既鴻溝中，做左6個決定～
先進場既有日方代表佳麗！
香芒魚生壽司
香芒魚生壽司
43 views
0 likes
0 comments
加埋芒果更加好味，而且塊紫菜都係脆既，証明新鮮！
黃金雜菜天婦羅
黃金雜菜天婦羅
24 views
0 likes
0 comments
目／口測下有三色椒、南瓜、紫暮、青豆。
炸得鬆軟唔油膩。重有兩款醬：天婦羅醬油同芥辣汁。講真食天婦羅真係未試過點芥辣喎！夾唔夾就見人見智喇~
OK～然後就到西方佳麗進場！
忌廉牛油果吞拿魚意粉
忌廉牛油果吞拿魚意粉
62 views
0 likes
0 comments
忌廉汁應該真係忌廉，蛋奶素既朋友仔要留意喇~
要提一提吞拿魚當然唔係用真吞拿魚，但真係搵唔到係邊，係得個底到有少少疑似既碎碎，
不過就唔影響個味道既，OK呀～
蘆筍金湯蟹皇翅
蘆筍金湯蟹皇翅
31 views
0 likes
0 comments
「酥皮湯？」係就係有叫湯，不過我地個湯個名點睇都冇酥皮兩個字喎，而且應該係中湯黎！
一問之下原來真係我地叫果個！所謂活到老。學到老，師主你參透未？
突然有酥皮食可算係bonus，基本上完全可以當西式酥皮湯咁飲，雖然係蟹，但更似龍蝦湯，GOOD！
好喇~最後終於到我地祖國既佳麗出埸！
荷塘海皇豆腐
荷塘海皇豆腐
43 views
0 likes
0 comments
清，非常清，但又不失豆腐香味，更似蒸蛋。
就咁睇好似用三色豆hea人，不過其實係栗米、蕃茄同芥蘭切粒，再加上蒟蒻蝦肉。
（由於真係幾淡口，所以鍾意濃味既朋友仔要留意喇）
鮮果蝴蝶骨
鮮果蝴蝶骨
50 views
0 likes
0 comments
不過食落就知個意境架喇，師主！
其實係一味類似咕嚕肉（猴頭菇）既餸，兩邊唔同醬料咪蝴蝶果兩隻翼囉~
「哦～～～～～」
左翼係芒果肉配沙律醬，右翼係橙肉配橙味甜酸汁。好明顯，右翼完勝！
後記：
唔洗坐飛機。一次過見哂中西日6位佳麗，真係口福無邊！
不過其實從心唔係第一次食，呢間好似比新蒲崗果間好食，服務亦中規中矩。
而且週末7點幾都完全唔洗排隊可以直搗黃龍。
好期待TKO區繼續有三嫂四嫂啊！
Post
