Video
Read full review
2022-10-20
1096 views
星期五放工去旺角食飯，我哋呢晚幫襯咗近嚟🔥炙手可熱嘅「吃扒」。雖然到達已經成八點半鐘，不過餐廳仍然滿座，要等咗陣位先入得，人氣超高呢👏！餐廳門口本身已經係一大個打卡位，紫色外牆好吸睛💜。店舖內嘅裝修仿效傳統港式扒房嘅設計，木系傢俬再配以暗色調燈光，氣氛都幾浪漫🌹，但星期五晚爆場就會嘈啲、熱鬧啲啦～。顧名思義，嚟得呢間餐廳就當然係食扒🥩，佢主打多款鐵板餐同意粉飯等，估唔到嘅係竟然仲有生酮料理Keto。餐廳定價唔貴，難怪咁多人幫襯。熱熔芝士紐西蘭牛柳($188)，我相信有唔少人嗌呢道菜都係為咗熱熔芝士🧀，不過其實其他扒都可以加$18跟配的。餐廳明白儀式感嘅重要性🤣，芝士以煎Pan裝住，並喺客人面前點火，再將流質嘅芝士倒上牛扒面。題外話，扒餐可自行選配飯/麵/薯菜以及醬汁。🐮紐西蘭牛柳有成兩大件，形狀唔係四四方方，而係似一般牛扒。牛柳肉質好軟腍，生熟度控制得宜，我本身嗌五成熟，加上鐵板嘅熱力啱啱好，並無變韌。芝士唔鹹，但反而羶味幾勁，配薯條食特別明顯，不過出奇地配扒食又唔覺喎，好得意😎。三文魚扒伴煙肉椰菜花飯($158)，🥦雖然我唔係生酮飲食者，不過都鍾意食椰菜花飯，因為感覺健康啲，食落又無
星期五放工去旺角食飯，我哋呢晚幫襯咗近嚟🔥炙手可熱嘅「吃扒」。雖然到達已經成八點半鐘，不過餐廳仍然滿座，要等咗陣位先入得，人氣超高呢👏！
餐廳門口本身已經係一大個打卡位，紫色外牆好吸睛💜。
店舖內嘅裝修仿效傳統港式扒房嘅設計，木系傢俬再配以暗色調燈光，氣氛都幾浪漫🌹，但星期五晚爆場就會嘈啲、熱鬧啲啦～。
顧名思義，嚟得呢間餐廳就當然係食扒🥩，佢主打多款鐵板餐同意粉飯等，估唔到嘅係竟然仲有生酮料理Keto。餐廳定價唔貴，難怪咁多人幫襯。
熱熔芝士紐西蘭牛柳
$188
49 views
0 likes
0 comments
熱熔芝士紐西蘭牛柳($188)，我相信有唔少人嗌呢道菜都係為咗熱熔芝士🧀，不過其實其他扒都可以加$18跟配的。餐廳明白儀式感嘅重要性🤣，芝士以煎Pan裝住，並喺客人面前點火，再將流質嘅芝士倒上牛扒面。題外話，扒餐可自行選配飯/麵/薯菜以及醬汁。
🐮紐西蘭牛柳有成兩大件，形狀唔係四四方方，而係似一般牛扒。牛柳肉質好軟腍，生熟度控制得宜，我本身嗌五成熟，加上鐵板嘅熱力啱啱好，並無變韌。芝士唔鹹，但反而羶味幾勁，配薯條食特別明顯，不過出奇地配扒食又唔覺喎，好得意😎。
三文魚扒伴煙肉椰菜花飯
$158
62 views
0 likes
0 comments
三文魚扒伴煙肉椰菜花飯($158)，🥦雖然我唔係生酮飲食者，不過都鍾意食椰菜花飯，因為感覺健康啲，食落又無咁滯。菜花切得好碎，混合忌廉芝士同煙肉🥓，散發鹹香。三文魚扒同想像中唔同，佢唔係一大塊嗰種煎魚扒🐟，而係似熟咗嘅煙三文魚片，但就當然無任何醃味，比較清淡。
朱古力心太軟配雪糕
$58
25 views
0 likes
0 comments
鐵板餐可加$25轉套餐，跟餐包、湯、甜品同飲品。湯可揀西湯或中湯，西湯係羅宋湯🍅，餐包就係似曾熟悉嘅模樣。
生酮餐就加$20轉套餐，跟湯同飲品。中湯係青紅蘿蔔豬骨湯🥕，中湯拼鐵板餐堅係港式扒房嘅特色之一，哈哈。
跟餐甜品係彩針朱古力布朗尼🌈，朱古力味同心太軟類同，但口感就痴牙啲。
飲品方面，我哋要咗雪糕紅豆冰(特飲+$15)同凍檸茶(+$3)。紅豆冰幾高質，雪糕帶椰子香🥥，而紅豆份量多，又煮得夠綿，一啲都唔馬虎。
總括嚟講，呢間餐廳從環境到食物，都能還原傳統港式扒房嘅風味🇭🇰，並同時注入新派元素，整個用餐體驗都算讓人滿意😊。
Post
