湖越

Open Now

Now Closed

真係值得推介，香港食過好多間越南粉都落重味精，原因是我對味精敏感，食完好快會頭痛，要飲返好多水先至停到，但係在越南都食過都係一樣，無奈我想試吓搵唔搵到一間冇味精嘅越南粉，特登上嚟寫食評真係要讚吓呢間嘢，原本我都抱住一個頭痛嘅心態去試，因為朋友推介又要食，所以我都一於試下。順化豬肉檬：蝦湯濃郁，味道豐富，本應順化牛肉係越南之作，唔明點解用豬肉，不過都好好味，有鴨血，蝦，等等食材，收費九十！火車頭：牛湯勁正！無味精！牛丸爆汁，牛肉正常，收費百二！有點貴！但勝在無味精！值！拼盤：無野好講，正常質數米紙卷：成日食蝦，今次試三文魚！都好食，碌林出色！唔錯街頭pizza：越南成日食！個邊賣十蚊，呢度賣八十！還原度幾高！唔嫌貴可一試！總結：呢間野一個字形容：貴！不過無味精，味道接近越南！作為越南迷既我，難得搵到間咁有質數，再貴都抵食！支持小店希望愈做愈好！