Video
Read full review
2024-08-30
990 views
網上見到佢嘅英倫風裝修被吸引咗過嚟，點知用餐時發現更加多細節有被驚喜到。例如佢嘅匙羹同叉、牆上嘅鏡、吊燈都同郵輪／海洋風掛鉤🪝點了兩個set $598*2，雖說價錢不菲，但係整體用餐體驗有照顧得好好，同埋大部份嘅食物都令我哋好滿足（小部分是指tiramisu😂💙 薄切牛肉片配火箭菜💙牛肝菌野菌忌廉湯💙自家製牛骨髓牛油包💙 A5 Wagyu Striploin (6 oz) 日本A5和牛⻄冷 +$180💙 Tiramisu🩵自製生牛肉他他🩵龍蝦濃湯🩵自家製牛骨髓牛油包🩵黑松露鵝肝威靈頓牛柳🩵比利時朱古力心太軟✨前菜高質生牛肉他他面係用鵪鶉蛋，配以蛋漿令牛肉嘅口感更為滑溜，其次就係減淡調味，更加品嚐到牛肉嘅原味；調味微辣但正好令整體更開胃；另一款薄片牛肉配以芝士碎同火箭菜，碟邊有少許沙律菜同油醋，兩款食落係截然不同嘅感覺，個人更推薦牛肉他他❤️原本我哋兩位都極鍾情菇湯，但係聽到我落單只點菇湯，店員都即刻極力推薦，試埋龍蝦湯🦞兩款湯味道都好突出，牛肝菌野菌濃湯嘅菌都打得夠融，仍然有啲粒粒，口感唔錯，而龍蝦湯質夠稠身，接近膏狀，但係飲落係好滿足，和和暖嘅（老實講，我飲完碗湯已經飽咗一半主菜揀咗兩
💙 薄切牛肉片配火箭菜
💙牛肝菌野菌忌廉湯
💙自家製牛骨髓牛油包
💙 A5 Wagyu Striploin (6 oz) 日本A5和牛⻄冷 +$180
💙 Tiramisu
🩵自製生牛肉他他
🩵龍蝦濃湯
🩵自家製牛骨髓牛油包
🩵黑松露鵝肝威靈頓牛柳
🩵比利時朱古力心太軟
✨前菜高質
生牛肉他他面係用鵪鶉蛋，配以蛋漿令牛肉嘅口感更為滑溜，其次就係減淡調味，更加品嚐到牛肉嘅原味；調味微辣但正好令整體更開胃；另一款薄片牛肉配以芝士碎同火箭菜，碟邊有少許沙律菜同油醋，兩款食落係截然不同嘅感覺，個人更推薦牛肉他他❤️
原本我哋兩位都極鍾情菇湯，但係聽到我落單只點菇湯，店員都即刻極力推薦，試埋龍蝦湯🦞
兩款湯味道都好突出，牛肝菌野菌濃湯嘅菌都打得夠融，仍然有啲粒粒，口感唔錯，而龍蝦湯質夠稠身，接近膏狀，但係飲落係好滿足，和和暖嘅（老實講，我飲完碗湯已經飽咗一半
主菜揀咗兩個招牌，一個係黑松露鵝肝威靈頓牛柳，酥皮夠厚又脆，牛柳份量唔少又夠嫩，食到較中間位置浮出鵝肝嘅油香，一啖咬落去，係有幾種層次！另一個係和牛西冷，揀咗五成熟，和牛油脂太豐富，要逼出佢哋先食得出牛香❕
甜品揀咗各一款
心太軟，微脆得來朱古力醬極多，啖啖都係滿滿嘅朱古力味，tiramisu 略嫌咖啡味不夠重，同埋cream唔夠輕盈，前面食得太豐富要食晒呢個甜品有啲吃力😂
順帶一提set有跟到嘢飲，但係冇影到我哋點了凍熱咖啡各一，凍咖啡男朋友話飲落質素似cold brew ，我嗰杯熱咖啡去到食主菜嘅時候都仲係暖嘅，西餐廳嚟講呢杯咖啡算好好🩵
Post
