黃明記粥粉麵家 (Moved) New Location

今晚同朋友食食吓飯嘅時候，講開之前在舊機場工作的辛酸史，就講每逢返夜班，食宵夜去邊？大家異口齊聲講......黃明記。留下不少腳毛😂😂講開就諗起彈口墨魚丸和墨魚🦑鬆....！於是二不話説，埋單出發去九龍城再食過，去回憶當初我們的歷史🤪🤪一間超過40年食粉面粥舖頭，在今時今日能夠䇄立不倒，一定有它的存在價值。在九龍除了出名泰國菜之外，它就是首選👍在七十年代，它是唯一一間開到零晨的舗頭，簡直是我們夜班人仕的救🌟！差不多無來這裡二十年啦⋯⋯除咗裝修唔同之外，味道同埋人情味係冇變嘅！第一時間，當然要點出名的墨魚丸，豬什尖粉，泥鯭魚粥。墨魚丸弾口，在墨魚丸入面混合少許墨魚，令口感更有層次😋真係一粒真真正正嘅墨魚丸並沒有添加任何東西。至於豬什銀針粉！冇得輸，豬什包括有：豬潤，豬心，豬腸。不锺意食內臟朋友都忍不住食了一片豬潤，之後就唔停口啦⋯⋯😂😂至於那個泥鯭粥，用兩個字來形容！鮮甜！就已經是一個好好答案。