Video
Read full review
2021-08-29
108 views
每次經過呢間餐廳都大排長龍，一直有啲好奇。台灣菜雖然好食，但係間間都大同小異。應該因為係黃店又改咗個台灣風文青店名，所以先咁多人喇？懶排隊嘅我今日經過見到落大雨得兩個人排，終於排隊一試。排隊時店員已經送上餐牌，望到配菜餐牌已經有啲期待。我一向為食，鍾意每餐食多幾款食物。佢足足有五款配菜，仲有我鍾意嘅滷白菜同粉絲。我叫咗一份啤酒豬軟骨便當。豬軟骨...驚為天人😳😳佢應該我食過最好食嘅豬軟骨。肉質好冧但係又唔鬆散，加上惹味嘅醬汁，太太太好食，醬汁甜度+軟糯口感完全係我嘅口味。下次一定要帶個廚神朋友黎，叫佢研究下係點煮😂配菜全部都好適合配飯，竟然仲有菜脯食。粉絲入味又有咬口。焦糖玉子又甜又煙韌，唔鍾意食蛋嘅我完全食唔出有蛋腥味。朋友嘅滷排骨便當更誇張，塊肉仲大過個碗。我試咗一塊。炸皮吸晒醬汁，滷汁好香好入味，配飯一流。如果廚房可以幫手切開就更加好，用筷子比較難撕開咁大塊肉。呢間真係超意外驚喜！_ _ 喇，睇黎以後要加入排隊大軍🥺🥺🥺
排隊時店員已經送上餐牌，望到配菜餐牌已經有啲期待。我一向為食，鍾意每餐食多幾款食物。佢足足有五款配菜，仲有我鍾意嘅滷白菜同粉絲。
啤酒豬軟骨便當
$76
13 views
0 likes
0 comments
我叫咗一份啤酒豬軟骨便當。豬軟骨...驚為天人😳😳佢應該我食過最好食嘅豬軟骨。肉質好冧但係又唔鬆散，加上惹味嘅醬汁，太太太好食，醬汁甜度+軟糯口感完全係我嘅口味。下次一定要帶個廚神朋友黎，叫佢研究下係點煮😂配菜全部都好適合配飯，竟然仲有菜脯食。粉絲入味又有咬口。焦糖玉子又甜又煙韌，唔鍾意食蛋嘅我完全食唔出有蛋腥味。
滷排骨便當
$66
17 views
0 likes
0 comments
朋友嘅滷排骨便當更誇張，塊肉仲大過個碗。我試咗一塊。炸皮吸晒醬汁，滷汁好香好入味，配飯一流。如果廚房可以幫手切開就更加好，用筷子比較難撕開咁大塊肉。
呢間真係超意外驚喜！_ _ 喇，睇黎以後要加入排隊大軍🥺🥺🥺
Post
