三多炸肶 (Closed)

元朗三多已經開左一段時間,每次都心思思想食但又怕熱氣,今日肚餓行過又有位坐低食,好吧,入去買啦買啦~~~因為係即叫即炸,店員話要等15分鐘。除左炸雞脾,三多仲有其他野食,不過價錢都貴左D,我諗左陣叫左肉碎炒腸粉。好野總要俾D耐性等下的,當店員送上熱騰騰而香氣飄散的炸雞脾,心裹已禁不住一陣狂呼:好野,有的食!!,仲好貼心俾埋手套我用手拎住食呀~大大隻雞脾有成塊面咁大,慢慢咬落去,皮炸到脆卜卜,唔會太干,雞肉好嫩滑,如果有醃下味仲好,因為就咁食比較淡味,食辣人士可以簡辣OR大辣,聽說會比較好食。食到最尾都仲係熱騰騰的,雖然好邪惡又熱氣,但即炸係唔同D的唔理喇,食左先算~!肉碎銀芽炒腸粉,肉碎同銀芽都好惹味,但腸粉表面有味,內層就唔入味,而且都幾油,份量不太多,試一次就OK了。