Video
Read full review
2021-04-17
864 views
近排夠晒邪惡嘅美式曲奇🍪大行其道，唔少IG shops都有，有幾間仲開埋實體店咁好犀利，呢間 @cookieism.hk 就係其中之一，係黃埔同灣仔利東街都開咗實體店，買起上嚟更方便，我呢日就係灣仔分店買咗3款試下，店員仲俾埋張靚靚卡仔寫住保存同翻熱方法。曲奇夠晒大塊，用焗爐翻熱之後外脆內鬆化，口感都唔錯，不過3款味道都偏甜少少（對我呢啲飲開咖啡嘅人就係🤣）同埋印到個碟比較油膩，不過食落又唔算好油。日本宇治抹茶白朱古力曲奇呢款抹茶味都算幾濃，聞落好香，面頭仲有少少焗到溶溶地嘅白朱古力。Oreo曲奇入面有唔少oreo碎不過食落就甜咗啲。士多啤梨朱古力曲奇呢款我自己最鍾意😛，夾雜唔少士多啤梨朱古力，酸酸咪咪減低甜膩感。人均消費：$100推介指數（10分為滿分）：7分
曲奇夠晒大塊，用焗爐翻熱之後外脆內鬆化，口感都唔錯，不過3款味道都偏甜少少（對我呢啲飲開咖啡嘅人就係🤣）同埋印到個碟比較油膩，不過食落又唔算好油。
日本宇治抹茶白朱古力曲奇
呢款抹茶味都算幾濃，聞落好香，面頭仲有少少焗到溶溶地嘅白朱古力。
Oreo曲奇
入面有唔少oreo碎不過食落就甜咗啲。
士多啤梨朱古力曲奇
呢款我自己最鍾意😛，夾雜唔少士多啤梨朱古力，酸酸咪咪減低甜膩感。
人均消費：$100
推介指數（10分為滿分）：7分
Post
