豐鍋雞煲 (荔枝角道) (Closed)

今日經過深水埗唔知食咩好，咁岩又已經差唔多半年冇食過雞煲，誤打誤撞之下就嚟到豐鍋雞煲。兩個女仔比較細食，所以只帶咗半份雞煲，另外加咗份小食同埋嗌咗幾款配料打邊爐。落單之後，店員好快就送上雞煲，店員會喺現場炒雞件，炒完就食得。雞煲嘅醬汁質地濃厚，牢牢咁依附係每一件雞件上，食落都幾濃郁。因為叫咗BB辣嘅關係，辣味唔算重，不過越煮就會越辣，越食越惹味。雞件嘅肉質都幾香滑，用料新鮮。值得一讚嘅仲有魚皮，每一塊魚皮都大大件，脆卜卜得黎味道仲好香，同雞煲好夾。鮮蝦木耳雲吞份量飽滿，係店舖自家製，不錯。另外再點左牛柳粒同油麥菜，食到超級飽。玫瑰梳打唔會過甜，玫瑰味唔會太「假」，而水蜜桃梳打都好香濃水蜜桃味。