Ocean Bay (Closed)

星期日約定左一大班朋友去赤柱郊遊, 打算係赤柱食午餐後先出發, 上openrice search左一輪, 最後扑搥Ocean Bay, 因為佢係正赤柱大街, 兼且對正無敵靓海景, 加上又容易搵吖嘛! 成班數十人, 要預早兩日前訂枱呢! 由於天氣麻麻地既關係, 我地特地要求安排坐室內, 點知甘都出事喎…好大油煙係屋頂噴出, 真係大殺風景, 希望餐廳可以係呢方面改善一下, 甘就very good嘞!餐廳有set lunch食, 每份HKD138加一, 包一杯飲品。 我地每人各自order一份, 我揀左“大廚特色烤肉排”, 個肉排好大份, 烤得好靚, 個個見, 個個讚! 肉質酸酸甜甜的, 好鬆化, 食落有d似京都肉排或金沙肉排甘惹味!其他朋友order既set lunch計有燒肉眼牛扒(一樣甘大份，件牛扒仲係厚切，聽講啖啖肉勁juicy)、巨型漢堡(一睇就知勁到無朋友)、鴨沙律、海南雞(聽講肉質鮮嫩)、沙嗲串燒米粉等等, 聽講都唔錯呢!