喬妃齋 (Closed)

Green monday約朋友食齋，首次試呢間位於海防道嘅喬妃齋。原來係已故藝員蘇杏旋開的餐館，蘇女士身故多年，年輕一輩未必知道係邊個，印象中係大台電視劇，成日做淋善阿媽級的角色。店內裝修簡樸，似屋企多過餐廳。比較特別係茶介先上齋滷味一碟仔，有齋叉燒、咖喱同酸齋各兩舊，俾你過下口癮，我覺得好過酸菜花生收了4樣野粟米竹笙羹，個色唔知點解咁深，味道亦和平常的粟米羹不同，係有啲怪怪地紅油抄手，係我力排眾議要叫，可惜最終令人失望，皮厚而且淋patpat一團粉，餡亦係一舊舊，紅油得個咸字，唔辣欖角叉燒，其實之前喺阿善同埋鵝頸橋街市齋鋪都食過呢味，呢度味道係ok嘅，不過用嘅麵筋係好淋果隻，食落似一啲好肥嘅肥叉我份人好變戀，種意食啲好瘦嘅肉，所以唔係咁鍾意果種口感。全晚最高分係呢味，夠鑊氣，炒得好香另一特色是此處收碗收碟離奇地快，只要夾走最後一舊，即刻有人黎收走個碟，可能洗碗姐姐趕收工。整體唔算突出，如果素食朋友喺尖沙咀想搵間地點方便，唔貴嘅齋鋪，可以考慮。感覺上炒野比較出色。