Video
Read full review
2022-05-09
1571 views
因為疫情關係，好耐都冇得出嚟食飯喇，今日終於可以同我個酒肉朋友聚一聚。 嚟到梗係嗌番兩杯Sangria ($73@)，飲落冇乜酒味，飲到最底先至叫做飲到少少酒。 之後為咗送吓酒慢慢傾偈，嗌咗個Jamon Teruel 50g ($93)，普普通通，份量都幾多，感覺唔算好鹹。 仲有Payoyo Cheese ($75)，個侍應同我哋講話呢一隻cheese比較strong，但係其實我覺得好一般，唔係話唔好食，但唔係重芝士味，反而佢個醬我覺得幾特別。 當然啦，我哋唔可以全部都係食前菜輕食，結果我哋嗌咗Ham Croquette ($18@)。佢哋一粒粒計，我覺得好搞笑。熱辣辣上枱㗎，感覺正宗。 Black Paella Rice ($198)，啲料好多，我食到唔停得口，食到啲牙黑晒都冇理過儀容。不過食到最尾都會覺得有啲膩。 由於keep住飲酒，我哋冇停過嗌芝士，12 months cured Manchego Cheese ($75)，其實呢隻芝士同之前嗰隻我真係食唔到有咩分別，不過佢啲芝士都唔算貴。 我哋都飲咗前後每人兩杯紅酒🍷，Izard Crianza ($110@)同La
嚟到梗係嗌番兩杯Sangria ($73@)，飲落冇乜酒味，飲到最底先至叫做飲到少少酒。
之後為咗送吓酒慢慢傾偈，嗌咗個Jamon Teruel 50g ($93)，普普通通，份量都幾多，感覺唔算好鹹。
仲有Payoyo Cheese ($75)，個侍應同我哋講話呢一隻cheese比較strong，但係其實我覺得好一般，唔係話唔好食，但唔係重芝士味，反而佢個醬我覺得幾特別。
當然啦，我哋唔可以全部都係食前菜輕食，結果我哋嗌咗Ham Croquette ($18@)。佢哋一粒粒計，我覺得好搞笑。熱辣辣上枱㗎，感覺正宗。
Black Paella Rice ($198)，啲料好多，我食到唔停得口，食到啲牙黑晒都冇理過儀容。不過食到最尾都會覺得有啲膩。
由於keep住飲酒，我哋冇停過嗌芝士，12 months cured Manchego Cheese ($75)，其實呢隻芝士同之前嗰隻我真係食唔到有咩分別，不過佢啲芝士都唔算貴。
我哋都飲咗前後每人兩杯紅酒🍷，Izard Crianza ($110@)同Laya ($95@)。
最後我哋每人嗌咗一杯生啤Estrella Galicia 結尾($42@)，不過睇返張單，我依家先知道佢哋冇收我錢。
全單盛謂$955，冇收啤酒錢。
呢間嘢可以encore，因為佢哋啲小食唔貴，環境都幾好。
題外話：佢哋幫我斟第二杯紅酒嘅時候，因為斟咗少少佢哋支酒唔夠，於是乎佢哋返轉頭再斟嘅時候，斟咗落我第一杯未飲完嘅紅酒裏面，有啲唔小心，不過我冇出聲。
Post
