Video
Read full review
2020-10-04
619 views
之前都想食好耐架啦今日見到唔洗點等，就入去試下。入面D裝飾都幾得意，整得幾靚架。仲有D飲品餐牌，都幾搞笑。今次就點左「日替便當三段」試下，$96一個套餐，再叫多杯$28既「柚子心上依」。首先上左茶、湯同埋沙律先，冇咩特別。不過我見湯太熱等左一陣先飲，但冇提供匙羹所以D料沉左底，飲到最尾有D咸。然後就上刺身lu，有三文魚、帶子、甜蝦各兩件，都幾新鮮，而且三文魚切得幾厚，依落都淡淡肉，唔錯架。再跟住就有茶碗蒸，味道都OK既，但食落去同室溫差不多，唔夠暖。同埋表面唔光滑，賣相唔夠靚。食完頭先既野，就到汁煮豬軟骨啦。D肉好林，入口即溶，唔錯架，而且都好入味。白飯都同時送上，都幾大碗下。天婦羅都好大份，有兩隻蝦、一件芋頭、一南瓜、一件茄子，再加一件紫薯。咬落去好脆口，但係粉就比較多，我鍾意食D粉比較薄少少既天婦羅。當時亦叫左柚子飲品，冇乜特別，$28黎講都有D貴。同埋佢用幼身飲筒，好易俾D果肉卡住，如果改用粗身既話會更加好。佢地冇主動俾甜品，我俾單個陣先問到佢地拎，係維記雪米糍，今次佢俾既應該係芒果味。整體黎講D食物都OK，入面環境都坐得舒服，不過服務就一般啦。我入到店之後等左一陣先有店員出黎問
入面D裝飾都幾得意，整得幾靚架。仲有D飲品餐牌，都幾搞笑。
今次就點左「日替便當三段」試下，$96一個套餐，再叫多杯$28既「柚子心上依」。
首先上左茶、湯同埋沙律先，冇咩特別。不過我見湯太熱等左一陣先飲，但冇提供匙羹所以D料沉左底，飲到最尾有D咸。
茶、沙律、湯
4 views
0 likes
0 comments
然後就上刺身lu，有三文魚、帶子、甜蝦各兩件，都幾新鮮，而且三文魚切得幾厚，依落都淡淡肉，唔錯架。
刺身
6 views
0 likes
0 comments
再跟住就有茶碗蒸，味道都OK既，但食落去同室溫差不多，唔夠暖。同埋表面唔光滑，賣相唔夠靚。
茶碗蒸蛋
8 views
0 likes
0 comments
食完頭先既野，就到汁煮豬軟骨啦。D肉好林，入口即溶，唔錯架，而且都好入味。
汁煮豬軟骨
12 views
0 likes
0 comments
白飯都同時送上，都幾大碗下。
天婦羅都好大份，有兩隻蝦、一件芋頭、一南瓜、一件茄子，再加一件紫薯。咬落去好脆口，但係粉就比較多，我鍾意食D粉比較薄少少既天婦羅。
天婦羅
16 views
0 likes
0 comments
當時亦叫左柚子飲品，冇乜特別，$28黎講都有D貴。同埋佢用幼身飲筒，好易俾D果肉卡住，如果改用粗身既話會更加好。
柚子心上依
$28
25 views
0 likes
0 comments
佢地冇主動俾甜品，我俾單個陣先問到佢地拎，係維記雪米糍，今次佢俾既應該係芒果味。
雪米糍
4 views
0 likes
0 comments
整體黎講D食物都OK，入面環境都坐得舒服，不過服務就一般啦。
我入到店之後等左一陣先有店員出黎問我幾多位。
我當時既枱比較近門口，過程中D店員只集中係店入面離門口較遠既地方，但就唔多行出門口附近，我要企起身搵師父叫佢地先落到單。
而我想埋單，走到收銀處都一樣冇人理我，我等左2分鐘左右先搵到其他店員幫我叫收銀員過黎，反應有D慢。
Post
