敏華冰廳 (康怡廣場北座)

Open Now

Now Closed

又係衰到我要寫評嘅一餐，自己喺屋企煮都好食同乾淨過佢，又唔洗谷氣。同家人食晚飯，本身諗住食元氣，家人身體情況唔等得，去咗附近嘅敏華冰廳，呢一間野。入到去已經好似自生自滅咁，侍應根本都完全唔想招呼我地咁款，唔知仲以為食緊自助餐添呀，咁都算啦，問侍應想要隻杯，完全唔同你交流，一句「好呀 / 請等等」都無，就咁行咗去拎杯過黎。叫野食，一睇餐牌，小菜得三款，想食吓一人火鍋啦，點知得一隻湯底，仲要除咗牛肉之外乜肉都無，所謂嘅西式晚餐又係得三款，想叫黑糖飲品啦，又全部黑糖嘅飲品都無。谷氣，咁叫個叉燒飯俾家人食完就算啦，叫佢地走豉油，家人唔可以食豉油嘅。個飯送到黎，個侍應鬼食泥咁lur咗句：「落咗豉油呀要唔要」，一句唔好意思都無。送野飲黎又pea吓pea吓咁連飲管都可以整跌。食飯隻羹係笠癡癡嘅，d侍應都已經咁樣態度完全零服務，裡面都唔知有無洗碗。