傷心酸辣粉 (科學館道) (Closed)

係尖東附近番工， 每次一到lunch time 時間，間間餐廳都爆滿人咁制。 今日行到新文華中心，一如既往，間間店餐廳都有人排隊，見到傷心酸辣粉冇乜人排，而且我同同事都未食過，就諗住試下佢我同同事坐低，望望個餐牌 價錢比我地想像貴。 粉麵價錢都尚算合理$32元一碗，但係d配料 同埋小食既價錢 好似有點偏貴，不太抵嗌。‘ 配料 芝士腸 $ 8; 芝士豆腐 $11 ;雪花肥牛 $11]揀三款配料或以上 就送一杯 飲品 ［ 共$62］所以如果你揀左兩個配料 就會忍不住嗌多個 因為覺得可以多杯野飲下 其實酸辣粉個味係唔差，不過Bb辣都已經幾麻麻既辣味 另外， 額外配加既餸味道好壞參半，因為價錢確實比起其他麵食店 偏貴，而且份量又唔多。 ［ 重慶小麵 $32] 呢個冇得揀辣到，就算食得辣既我 都愈食愈傷心。 食得辣既人 可能覺得呢碗麵正。 但我就麻麻地，因為太多辣油，食完好似成日都制住左咁，而且因爲愈食愈辣 某程度上都食得幾辛苦。