紫荊閣 (Closed)

講起食中餐，最近係紅磡就係酒店入面新開左一間，名為「紫荊閣」，是一間粵菜餐廳﹐，位於酒店一樓。餐廳提供傳統矜貴菜式、本地受歡迎小炒及新鮮即製的廣東點心，加上餐廳的大廚堅持承傳經典的手工粵菜，製作精美，菜式味道豐富，令人一食難忘。當日去到睇餐牌發現真係好多選擇，仲有唔同既套餐同全包宴，但我同三個朋友黎，所以簡簡單單點幾碟食就夠，唔想浪費。我地分別點左「叫化雞」、「是日例湯」、「富貴龍鳳球」、「上湯浸豆苗」同「雞蛋焗魚腸」。「叫化雞」係呢間中餐好出名，要預早訂既，好彩我夠醒目，一早上網睇過就順便訂埋。「叫化雞」一出場已經夠晒台型，因為佢面個層係包左黃泥扲去焗既，再有一層鍚紙包住，之後入面就係用荷葉包住成隻雞，而雞入面仲放滿晒好多材料，例如冬菇，雲耳，金針等等，而因為包住荷葉去焗過，所以會食得出隻雞好重既荷葉香味，再加上入面多種材料，呢隻雞認真出色又好食！「富貴龍鳳球」為昔日飲宴菜式，平日較少機會吃到。把蝦仁捲著預先燒好雞肝片，炸熟後再以沙律醬回鑊，最後灑上芝麻便成。單單是製作過程也充滿誠意，但味道也成正比；蝦仁與雞肝味道出奇地配合，而沙律醬汁正好中和過多的油膩感，真心推介之作。 「上湯浸豆