Video
Read full review
2022-09-24
1928 views
約左個都一排冇見嘅朋友食飯所以想搵個可以坐得耐少少環境又唔會話好迫 坐得唔舒服嘅地方🤔友人話有間晚市無限時任食想試於是就freeride交比佢話事訂位😆.去到原來係一間酒店入面既日式放題加火鍋按火鍋肉類既選擇分為四個價錢👀🍴嚴選豚肉 $288🍴加美國產牛肩胛肉眼 $298🍴加美國產特選牛小排 $398🍴加日本九州產和牛 $478其他嘢食就劃一四個餐都有得叫前菜小食 串燒炸物 和風料理 壽司刺身見餐牌都多野食 就平平地淨豚肉試試先🐷由於食物種類太多 普遍都係正常質素就揀某啲重點啲嘅黎講啦🫣.呢到嘅甜品相對高質 必試👍🏻比較推薦嘅係抹茶意大利芝士蛋糕個人覺得賣十幾廿蚊件都得另外除左相中嘅甜品 其實仲影漏咗樣呢到係有軟雪糕 而且都幾重奶味同滑🍦.火鍋要咗韓式味噌同豆乳湯底本身個湯唔係太濃因為日式牛肉火鍋傳統食法就係先放肉類菜類增添湯底嘅香味最後落拉麵或年糕吸哂湯底嘅精華😛特別介紹一下呢到醬料區有得拎生雞蛋算係比較少有 可以好似壽喜燒咁撈埋肉黎食就又香又滑啦🥚😌.壽司同刺身主要都係基本款 簡單唔花巧想食灸燒壽司呢到都有提供🔥鱆紅魚同赤貝算係未必間間有冇創意花款都好嘅 通常放題試親都伏🤣.唯獨燒
所以想搵個可以坐得耐少少
環境又唔會話好迫 坐得唔舒服嘅地方🤔
友人話有間晚市無限時任食想試
於是就freeride交比佢話事訂位😆
.
去到原來係一間酒店入面既日式放題加火鍋
按火鍋肉類既選擇分為四個價錢👀
🍴嚴選豚肉 $288
🍴加美國產牛肩胛肉眼 $298
🍴加美國產特選牛小排 $398
🍴加日本九州產和牛 $478
其他嘢食就劃一四個餐都有得叫
前菜小食 串燒炸物 和風料理 壽司刺身
見餐牌都多野食 就平平地淨豚肉試試先🐷
由於食物種類太多 普遍都係正常質素
就揀某啲重點啲嘅黎講啦🫣
.
呢到嘅甜品相對高質 必試👍🏻
比較推薦嘅係抹茶意大利芝士蛋糕
個人覺得賣十幾廿蚊件都得
另外除左相中嘅甜品 其實仲影漏咗樣
呢到係有軟雪糕 而且都幾重奶味同滑🍦
.
火鍋要咗韓式味噌同豆乳湯底
本身個湯唔係太濃
因為日式牛肉火鍋傳統食法
就係先放肉類菜類增添湯底嘅香味
最後落拉麵或年糕吸哂湯底嘅精華😛
特別介紹一下呢到醬料區有得拎生雞蛋
算係比較少有 可以好似壽喜燒咁
撈埋肉黎食就又香又滑啦🥚😌
.
壽司同刺身主要都係基本款 簡單唔花巧
想食灸燒壽司呢到都有提供🔥
鱆紅魚同赤貝算係未必間間有
冇創意花款都好嘅 通常放題試親都伏🤣
.
唯獨燒物方面差少少 調味太淡
外表睇落真係唔差 唔會太乾
元貝串大大粒幾靚仔咁架嘛 浪費咗🥹
.
雖然呢到上菜速度偏慢
反正呢到無限時所以個人接受到😂
食物質素全部都合格以上
呢個價錢有個舒服環境坐成晚算係咁
整體評分 💛8/10
Post
