彩福欣宴 (Closed)

老人家做完手術，手術很成功，大家都感到非常欣慰。今晚，他的外孫女在澳洲 返咗來探佢，探完病之後，我哋幾個就去了佐敦的彩福晚飯。呢度環境好豪華，晚飯時間非常多人光顧，國內同胞也不少。晚市有健康推介，我哋點了一個翡翠麒麟冬菇豆腐和一個金粟紅米健營飯，再點了一條清蒸沙巴龍躉班、一個松子沙汁蜜桃青瓜蝦球和半隻脆皮南乳雞。五個人吃夠晒飽。呢度有點兒怪的是飯先上。個飯份量都幾大，材料一睇就知健康，不過味道一般般。脆皮南乳雞唔算肥膩，食落就無咩雞味，不過南乳都OK。蝦球係水準之作，值得推介。沙拉汁緊緊鎖住粒蝦球，外層炸得脆，內裡蝦肉爽口彈牙。條魚斤二重，OK夠我哋食。養魚，蒸得剛剛熟，魚味一般。碟豆腐都係一般般，80蚊就唔多值。