Video
Read full review
2019-08-24
236 views
今日難得同男朋友入嚟元朗拍拖，拍完之後唔想成日食西餐，於是我就揀咗一間小菜嚟食。喺門口都需要等一陣位先入得去，見到入面位置唔多。入去坐低本身都想試吓雞煲，但係因為最近好熱氣，所以就叫咗小菜。點知反而仲有驚喜！糖醋咕嚕肉咕嚕肉係真係我哋去到邊度都會叫嘅小菜嚟，呢度嘅咕嚕肉都做得好好，首先佢肉排炸得好脆口，之後佢嘅調味係用咗意大利陳醋，令到成件事同傳統嘅咕嚕肉唔同，唔會有一陣死酸嘅味道，反而係好清新。本身打算唔食飯，但都忍唔住叫咗碗白飯。賽螃蟹見到餐牌上面有呢個餸，覺得好驚喜。多數嘅小型餐廳係唔會有呢個送嘅，因為準備功夫同埋師傅嘅功力都要十足。呢度嘅賽螃蟹做得唔錯呀，蛋炒得好滑，加上瑤柱同蟹子，食落真係有蟹肉嘅感覺。唯一嘅美中不足就係呢度冇配上淅醋，如果有一定會更好味。鹹蛋蒸肉餅至於呢味鹹蛋蒸肉餅，就係我男朋友嘅至愛。我唔係食咗好多，但係我好鍾意佢肉餅入面有好大量嘅馬睇，有啲肉餅入面死實實，但係呢個就做得好送飯同埋有口感。蒸嘅時間都掌握得好好。椒絲腐乳炒唐生菜估唔到今晚呢一碟炒菜會係我最推介嘅食物，腐乳味好夠，啲菜都炒得啱啱好唔會太熟，個味道真係好適合送飯！雖然我成日食小菜，但係好少大排檔
糖醋咕嚕肉
咕嚕肉係真係我哋去到邊度都會叫嘅小菜嚟，呢度嘅咕嚕肉都做得好好，首先佢肉排炸得好脆口，之後佢嘅調味係用咗意大利陳醋，令到成件事同傳統嘅咕嚕肉唔同，唔會有一陣死酸嘅味道，反而係好清新。本身打算唔食飯，但都忍唔住叫咗碗白飯。
賽螃蟹
見到餐牌上面有呢個餸，覺得好驚喜。多數嘅小型餐廳係唔會有呢個送嘅，因為準備功夫同埋師傅嘅功力都要十足。呢度嘅賽螃蟹做得唔錯呀，蛋炒得好滑，加上瑤柱同蟹子，食落真係有蟹肉嘅感覺。唯一嘅美中不足就係呢度冇配上淅醋，如果有一定會更好味。
鹹蛋蒸肉餅
至於呢味鹹蛋蒸肉餅，就係我男朋友嘅至愛。我唔係食咗好多，但係我好鍾意佢肉餅入面有好大量嘅馬睇，有啲肉餅入面死實實，但係呢個就做得好送飯同埋有口感。蒸嘅時間都掌握得好好。
椒絲腐乳炒唐生菜
估唔到今晚呢一碟炒菜會係我最推介嘅食物，腐乳味好夠，啲菜都炒得啱啱好唔會太熟，個味道真係好適合送飯！
雖然我成日食小菜，但係好少大排檔風格嘅小店可以做到好似酒樓咁嘅質素。希望元朗街坊多啲嚟支持啦！
Post
