Video
Read full review
2024-07-22
1423 views
每一次同屋企人嘅gathering都係離唔開食嘢😂當然今次都唔少得又係食嘢啦尋日同屋企人出咗尖沙咀，行過金巴利道經過上次去食嘅拉麵舖，幾乎成條街嘅餐廳都食過曬😂跟住就行前少少去天文台道嗰邊睇下有冇啲咩新餐廳或者靚嘢落到去斜路仔，見到五礦大廈有間酒樓叫做新竹園軒，就行上去睇下，佢門口寫住“中產價錢富豪級數”我就知道我一定要入去一探究竟😗上到去發現佢嘅裝修都幾好，真係有啲感覺呢間酒樓唔會太多人，環境都好清淨，加上啲侍應都幾有禮貌。部長過嚟同我哋介紹而家芝士蝦球伊麵做緊特價只係98蚊，作為一個頂級嘅芝士控我就梗係gogogo!🦐芝士大蝦伊麵唔好睇少佢只係98蚊，足足有六隻，係六大隻大蝦！伊麵上面嘅芝士瀑布，一拎起係可以拉絲嘅🥰大蝦爽口彈牙，伊麵煮得恰到好處，配上拉絲嘅芝士，呢樣嘢已經令值得令我返轉頭👍🦐燒賣王蝦肉爽口彈牙！配上師傅手切嘅豬肉，每一啖都有肉汁，蝦嘅爽滑加上煙韌嘅豬肉，口感對比鮮明🥟茶王叉燒包呢個嘅叉燒包係行懷舊路線，感覺上係細個食到醬料滿滿嗰種叉燒包🥰裏面嘅叉燒粒有肥有瘦爽爽彈彈👍🍮香芒布丁喺我細個嗰陣，跟阿爺阿嫲去飲茶最期待嘅就係食芒果布丁！加埋花奶啲童年回憶返曬嚟🥰有咩開心
尋日同屋企人出咗尖沙咀，行過金巴利道經過上次去食嘅拉麵舖，幾乎成條街嘅餐廳都食過曬😂跟住就行前少少去天文台道嗰邊睇下有冇啲咩新餐廳或者靚嘢
落到去斜路仔，見到五礦大廈有間酒樓叫做新竹園軒，就行上去睇下，佢門口寫住“中產價錢富豪級數”我就知道我一定要入去一探究竟😗
上到去發現佢嘅裝修都幾好，真係有啲感覺
呢間酒樓唔會太多人，環境都好清淨，加上啲侍應都幾有禮貌。
部長過嚟同我哋介紹而家芝士蝦球伊麵做緊特價只係98蚊，
作為一個頂級嘅芝士控我就梗係gogogo!
🦐芝士大蝦伊麵
唔好睇少佢只係98蚊，足足有六隻，係六大隻大蝦！
伊麵上面嘅芝士瀑布，一拎起係可以拉絲嘅🥰
大蝦爽口彈牙，伊麵煮得恰到好處，配上拉絲嘅芝士，呢樣嘢已經令值得令我返轉頭👍
🦐燒賣王
蝦肉爽口彈牙！配上師傅手切嘅豬肉，每一啖都有肉汁，蝦嘅爽滑加上煙韌嘅豬肉，口感對比鮮明
🥟茶王叉燒包
呢個嘅叉燒包係行懷舊路線，感覺上係細個食到醬料滿滿嗰種叉燒包🥰
裏面嘅叉燒粒有肥有瘦爽爽彈彈👍
🍮香芒布丁
喺我細個嗰陣，跟阿爺阿嫲去飲茶最期待嘅就係食芒果布丁！
加埋花奶啲童年回憶返曬嚟🥰
有咩開心得過，食完一餐飯會有甜品食？
點解會話呢度嘅侍應生都好親切？
因為係十二點幾嘅時候，部長過嚟同我講：如果你哋十二點半前埋單仲可以有早茶優惠喎！
咁我哋就梗係快快埋單再去行街啦！
原來佢哋唔止十二點半前埋單優惠，如果想嘆茶嘅仲可以下午茶過嚟有85折優惠㗎！
同埋記得食下佢哋提供嘅茶芥嗰碟xo醬同埋花生呀！佢哋嘅xo醬真係好食到想拎返屋企炒菜
唔知佢哋第日會唔會提供埋咖啡奶茶呢個選擇呢？
相信唔少人去飲茶嘅時候都鍾意飲埋咖啡奶茶
Post
