友義氣‧酸菜魚

Open Now

Now Closed

啱啱喺葵涌做嘢，之後同事帶左我去試呢間，因為佢哋有酸菜魚，又有潮式菜，一次過可以滿足晒我地一班同事食可以叫多幾樣，有酸菜魚，避風塘茄子，欖菜肉鬆四季豆，潮式香芋南瓜酪，豉椒鵝腸煎米粉等等。。首先上枱係避風塘茄子，外皮好鬆脆，加埋炸到好脆嘅蒜粒，真係忍唔住要來枝啤酒啤啤佢！之後呢個豉椒鵝腸煎米粉，好特別，而且又有高顏值，米粉煎到好脆口，加埋入晒味鵝腸，好好食。另外個潮式香芋南瓜酪都好味，煎到脆脆地嘅芋頭同南瓜，面再加沙糖食，入口甜甜地，好得意。最後當然係招牌嘅酸菜魚，大大碗奉上來己經好香，用料都好足，魚肉食得出好新鮮好滑，湯料味夠香濃，好食！呢間真心好味，下次經開都可以再來！