翠林冰廳 (Closed)

🐟招牌酸菜魚（小）$138我哋叫咗BB辣，辣度夠低😂。餐廳好貼心，唔夠辣可以出菜後再加辣。湯頭酸菜味道好重，仲有少少芝麻香。魚片似係桂花魚，肉質嫩滑，一啲腥味都冇。配料有萵筍、木耳、芽菜。整體冇平時食到嘅咁油膩同濃味👍🏻。🍗生炸大雞髀配薯條 $38雞髀可以配波浪薯條🍟或者沙律🥗。大雞髀新鮮炸起出晒煙，香脆又肉嫩。呢個價錢有埋餐飲幾抵食。🥤奶茶紅豆冰 $23（特飲跟餐 $9）茶底濃而不澀，紅豆大大粒。🥤紅豆冰 $21 椰汁🥥夠濃。