十三少 (Closed)

今日行過樂富廣場見到呢度竟然有十三少，最後揀咗一個二人蟹逅滋味套餐，包咗一個涼菜、一個主菜同埋一籠十三少蒜香荷葉蟹飯，兩個人食好夠飽呀😆一入去已經準備咗個小食係枱面，涼拌土豆絲爽脆，酸辣開胃麻椒皮蛋🥚一上枱有驚喜，唔係黑色嘅皮蛋，係金色嘅皮蛋，第一次食金色嘅皮蛋，仲要係糖心，配上麻椒蒜香味，真係好好味十三少酸菜魚🐟酸菜魚嘅酸菜真係勁多🤩🤩🤩，上面仲有好多芝麻，勁香👃🏻入邊嘅新鮮鱸魚魚肉好滑，而且魚肉份量好多，仲有萵筍、菇、白蘿蔔，一家大細都啱食十三少蒜香荷葉蟹飯🦀一上枱好吸睛，用兩隻蟹去蒸荷葉飯，米飯粒粒分明，吸晒蟹嘅鮮味，仲食到蒜香同荷葉香，唔好睇蟹仔細細，但係有膏同有肉，真係幾唔錯