四川重口味 (Moved) New Location

老公今晚開夜，要食自己，一個人的晚餐食乜好呢⋯⋯。諗左成個下午都冇心水，打算求其買盒叉燒飯返屋企食算啦，跟住臨收工有個同事講起酸菜魚，個口即刻自動流口水，即刻上OpenRice搵吓邊度有酸菜魚食，土瓜灣呢間出名就試吓啦。一坐低就即刻落order先，一份酸菜魚呀！唔該！好快就上菜，原來呢間野係用桂花魚，幾好，骨唔多，容易入口，我最鍾意就係食酸菜㗎啦，個湯底酸菜+胡椒，食落去夠濃，又會食到有少少胡椒粒粒、花椒啦，同埋好重既香味，加埋d辣椒🌶️，我係辣得之人，真係勁正！