圃公館 (Closed)

黎到銅鑼灣既帝盛酒店呢度有間食中菜嘅餐廳叫圃公館，裏面嘅間隔都好寬鬆，好多枱，可以坐到好多人，仲有獨立房間，私隱程度高。今日同幾位朋友去咗打邊爐，湯底就叫咗個酸魚窩，真係聽個名都知真係十分惹味。等我湯過嚟嘅時候我已經忍唔住飲咗一碗，啲魚好滑，同埋啲酸菜份量都好多。骨嘅份量都唔算太多，仍然可以接受。之後我哋叫咗好多嘢食，包括牛肩脊、清酒黑豚肉、手打鮮蝦滑、時蔬拼盤、四川粉皮、炸響鈴同自製鮮蝦腐皮卷。真係樣樣都咁吸引呀。先講個牛，牛切得好薄身，圍成一個玫瑰形狀，鋪滿了整個碟，牛味好重，可以將酸菜魚嘅湯底味道鎖緊喺筋骨嘅部份，而且富有咬口，十分好吃。時蔬拼盤有唔同類型嘅蔬菜，有南瓜、蕃、白菜、生菜、娃娃菜等等。全部望落去都好新鮮，連平時打邊爐比較冷門叫既白菜都幾靚。每一樣野食落去都好鮮甜，南瓜浸得耐左都會變得好腍，好軟綿綿，變成蓉狀，食落去讓人感到好暖。清酒黑豚肉喺比較少吃到的，因為好多時打邊爐都係就咁食黑豚肉唔會點清酒，但係喺呢度就有一個好特別嘅地方，清酒會用個碗仔放喺中間，成載如果啲清酒，豚肉喺未煮之前要放入去清酒裏面，淹左一陣然後先擺入湯底裏面。熟左後豬肉變成白色，仍然呈有清酒嘅味道，