餃子園

Open Now

Now Closed

同同事去餃子園食餃子。雖然隔離排晒長龍，但餃子園都係同平時一樣，入到去即刻有位。👍坐低叫左個蕃茄雞蛋餃轉酸辣湯底，黎左個白菜餃。算啦，😌白菜餃都好食，就照食啦。首先講下個環境先。其實同普通麵店一樣，比較迫。餐具有少少唔乾淨。原本每人比左一隻碗，我地無用到隻碗啦，但佢之後居然無問我地，就咁攞左隻碗去其他枱。真係有啲啼笑皆非，佢究竟有幾唔夠碗用？😂😂落左單無耐就上菜啦。👍酸辣湯底好正😋，好足料，少少辣，我呢啲食唔到辣嘅人都可以食到，👍鍾意食辣嘅人可能就要失望啦。😌餃子都有好多，💕多到食到中間我已經唔記得要數。餃子餡都好足料，咬落啖啖肉，白菜切得細細，食落爽口，同平時食開淋身嘅白菜感覺好唔同。淨係食餃同飲湯都夠飽。👍雖然足料又好食，但鑑於價錢較貴同環境、服務普通，所以我都係比中評嘅🙈。有機會會再黎食。