Video
Read full review
2024-08-29
223 views
朋友上網見到呢間餐廳評價幾好，又無限時，啱晒我地傾野，就 book 左呢間餐廳邊食邊傾啦。環境及衛生方面︰其中一邊有幅大玻璃可以望到街景，窗台種左少量植物。餐桌擺設幾整齊。整體感覺良好。服務方面︰一開始就俾人感覺要乜無乜... 本來個主餐牌就已經唔多野食可以叫，我地又唔想食套餐... 想叫個鵝肝煎帶子 - 無 叫牛柳 - 無，被逼轉左西冷 叫飲品果陣，個待應聽唔明加糖漿同杯飲品本身有果糖嘅分別；到d飲品上檯，唔講邊杯飲品係咩名，要我地出口問，然後有個自稱自己係廚房佬咩都唔知嘅人指派返bar檯沖野飲個妹妹黎答；繼而待應自己發現自己沖錯飲品照上俾我地又唔講，飲飲下黎多左杯，我地問先知沖錯左，後來呢杯先係啱...以上嘅事，都俾客人一種滿頭問號，無法理解同埋餐廳非常唔專業嘅感覺。(已經無計無待應斟水呢d小事，不過到走果刻，估計待應們都 feel 到我地極度不滿，熱情咁歡送我地走，就俾返少少分佢啦...)味道方面︰-食物︰最後我地被逼叫左法式焦糖洋蔥燒西冷扒、夏威夷火炙黑毛豬腩卷同埋意式香草黑毛斧頭豬鞍扒。而呢3道菜，其實可以combine黎講...3道菜煮完出黎係同一個色系 (直頭可以唱灰色~
環境及衛生方面︰
其中一邊有幅大玻璃可以望到街景，窗台種左少量植物。餐桌擺設幾整齊。整體感覺良好。
服務方面︰
一開始就俾人感覺要乜無乜... 本來個主餐牌就已經唔多野食可以叫，我地又唔想食套餐...
想叫個鵝肝煎帶子 - 無
叫牛柳 - 無，被逼轉左西冷
叫飲品果陣，個待應聽唔明加糖漿同杯飲品本身有果糖嘅分別；
到d飲品上檯，唔講邊杯飲品係咩名，要我地出口問，然後有個自稱自己係廚房佬咩都唔知嘅人指派返bar檯沖野飲個妹妹黎答；
繼而待應自己發現自己沖錯飲品照上俾我地又唔講，飲飲下黎多左杯，我地問先知沖錯左，後來呢杯先係啱...
以上嘅事，都俾客人一種滿頭問號，無法理解同埋餐廳非常唔專業嘅感覺。
(已經無計無待應斟水呢d小事，不過到走果刻，估計待應們都 feel 到我地極度不滿，熱情咁歡送我地走，就俾返少少分佢啦...)
味道方面︰
-食物︰
最後我地被逼叫左法式焦糖洋蔥燒西冷扒、夏威夷火炙黑毛豬腩卷同埋意式香草黑毛斧頭豬鞍扒。
法式焦糖洋蔥燒西冷扒
0 views
0 likes
0 comments
夏威夷火炙黑毛豬腩卷
0 views
0 likes
0 comments
意式香草黑毛斧頭豬鞍扒
8 views
0 likes
0 comments
而呢3道菜，其實可以combine黎講...
3道菜煮完出黎係同一個色系 (直頭可以唱灰色~ hahaha~ hahaha~)、擺盤材料又一樣，食落都係overcook 之餘仲帶d燶味，牛扒仲食到d鹽灑唔勻嘅情況添!
西冷薄到成張紙咁，d豬完全食唔出係黑毛豬，3款肉食落去都只有乾同柴仲要0醬汁! 但d筋位唔知點整到咬落去成堆油咇出黎...
就連薯蓉都俾佢整到焗薯咁! 可以讃嘅地方就係薯仔呢個狀態食落肚好健康，唔需要怕肥...
-飲品︰
October (西柚 檸檬 橙 梳打 白酒)
October
5 views
0 likes
0 comments
好清新嘅果酒味，甜甜地唔重酒味，易入口
November (威士忌芝士奶蓋配黑糖鮮奶咖啡)
November
12 views
0 likes
0 comments
第一啖完全飲唔到，個芝士奶蓋杰到以為自己食緊 cheesecake，要飲勁大啖先飲到下面d酒... 但個味係幾好嘅，只係真係飲唔到，餐廳又無俾飲管 (明明另外兩杯可以唔需要飲管就反而有....) 呢一分係扣個奶蓋太杰同餐廳唔夠細心嘅
士多啤梨光環 (士多啤梨菠蘿果茶)
士多啤梨光環
15 views
0 likes
0 comments
好香士多啤梨味，但無茶味，似純士多啤梨果汁多d, 有件菠蘿 (光環) 可以咬下咁，算係不過不失
估計店員聽到我地勁不滿，自稱廚房佬走埋黎問我地要唔要食甜品，表示請我地食，我地決定俾埋個機會佢個甜品一次機會。然後沖飲品個妹妹黎收碟，見到我地每碟肉都有剩，驚訝地問左一句: 你地唔要啦?
到甜品上檯時，我地望住個心太軟 (心諗: 3個人你送一客... Fine~ 反正心太軟呢d高油高脂食物，就算你上齊3客我地都唔會選擇食晒嘅)
然後再心諗: 由自稱廚房佬話送甜品俾我地到上檯只係幾分鐘時間... 呢件野一定買返黎，只需要叮熱佢就食得... 只可以話佢買得幾好，心太軟黎講唔算甜。直頭連評分都可以慳返!
總括而言︰三無!
味道︰無
質素︰無
賣相︰無
價錢仲要唔平! 食物質素完全對唔住個價錢，直頭可以用劣食黎形容! 連茶餐廳d雜扒都整得好食過佢! 人均消費 $300，呢個價買到和牛返黎自己煎啦!
聽到我地咁不滿諗住送個甜品想了事... sorry~ 就算打5折都消唔到我地團怒火! 仲夠膽收加一服務費! 連飲料沖錯都無打算話我地知，無水又唔加水等等... 到底服務左去邊!? 憑咩學人收加一! 我成日都話︰如果真係服務得好，你收加三都仲得~ 但無服務學人收加一! 我只會 black list 你~ sorry~
環境絕對適合商務聚會或好友談心 (晚市只係得一、兩檯客人) ，但只限叫飲品。
Post
