agnès b. Café LPG (Closed)

我叫咗件好似Mont Blanc嘅物體，不過呢度就叫Valerie，我唔知佢哋嘅意思係咪一樣，字面上就唔一樣，不過望個外型就差唔多近乎一樣。栗子對我來講真係由細鍾意到大，所以栗子蓉好唔好食其實都好影響成個甜品，不過始終每個人嘅口味都唔一樣，所以我應該講啱唔啱我口味。呢件西餅外型好靚，呢度嘅栗子蓉唔可以講話好出色，不過真係唔差，如果淨係計栗子蓉我起碼可以比到四粒星，裏面嘅餡料其實整個組合都好食，唯獨是有一個問題，佢裏面有一塊meringue ，正常情況下呢塊應該好脆，但係呢件西餅裏面嗰一塊就唔係，佢有啲硬，又有啲實，我都唔知點形容佢嗰個質地，應該是一件用糖嚟都做嘅嘢溶咗變返硬嘅感覺，我唔知製作過程發生咩問題，但係就令到我對於件餅有啲失望，撇除呢一部份，整件西餅都屬於係好食嘅，我希望下次再嚟識嘅時候唔會再有同樣事情發生。