青藏牛肉麵 (Closed)

青藏牛肉麵係一間喺北角區內最出名嘅舖頭，佢位置喺書局加入面嗰條巷仔，呢條行出名多嘢食！青藏牛肉顧名思義就係賣牛肉麵，咁當然都有其他麵同小食。今次我就午餐時段食，試咗佢嘅羊肉麵。羊肉片畀打邊爐買到嗰啲羊肉片厚身，口感會好啲，味道都ok。羊肉份量都唔算少。拉麵方便呢就畀一般中式拉麵粗身少少，類似日式中太麵。湯底就真係偏鹹，芫茜同埋蔥花已經幫咗唔少手，但係都係偏鹹。湯底裏面仲有兩嚿大蘿蔔，都可以喺咁鹹嘅湯之中幫下手。如果大家係期待先甜嘅骨湯，咁呢度就冇喇。每張枱都提供嘅蒜蓉，既然重口味，一於去盡佢。我每次食都會夾好多蒜蓉！唔係算好好食，但同類食物唔多，間唔中一次啦！