霸嗎拉麵 (Closed)

又一日本過江龍，霸嗎拉麵應該好多人都聽過，係香港亦有幾間分店。今日同朋友去書展前就黎醫一醫肚先。我點左辛辣炙燒豚肉味玉拉麵，辣度有大中小可以選擇，雖然我揀左小辣，但辣味都好強烈，可能係有原條辣椒既關係。而湯底係比較油膩同濃，相信睇相都睇得出比較出色係佢既豚肉，份量大大塊，有厚度，肥瘦分佈平均，亦好稔好易咬開。而拉麵中常見既溏心蛋效果都唔錯拉麵份量亦都適中。*辛辣炙燒豚肉味玉拉麵 $93*總括黎講，呢度既拉麵唔差，係重口味左少少，如果想食清啲，點番雞白湯系列既拉麵會比較合適。