Ha Noi 越南菜

Open Now

Now Closed

重慶大廈俾人印象係專食印度菜同比較雜，所以好多比較斯文嘅女仔朋友盲算會食辣野，聽倒黎重慶都會耍手擰頭，但原來最近佢個地庫翩新左仲改左名叫Health，裡面仲引入左其他菜系嘅餐廳，好似越南菜、西餐、台灣菜......都有。今次黎哩間Ha Noi越南菜原來係之前食過幾次嘅越式河內粉麵姊妹線，Menu同價錢雖然一樣，但用餐環境就更加闊落舒適，感覺亦更乾淨但理。一坐低，例牌會先送上龍眼水，雖然冇加糖，但都飲得出好香龍眼味。酥香軟殼蟹($42) - 軟殼蟹都有大掌隻手掌咁大，口感酥脆唔會太油。極品牛三寶湯河粉($70) - 牛三寶即係生牛肉、牛腱同牛丸，牛肉份量對版，生牛肉大約五成熟，牛丸好彈牙，河粉幾薄幾滑，粉量都好足夠，湯底非常濃甜。越式豬頸肉撈檬($64) - 撈檬同樣好大碗，豬頸肉唔會太乾太鞋，撈粉好彈口，加埋酸汁食好清爽。椰果椰汁西米露 & 羅望子冰(跟餐加$12) - 椰果椰汁西米露柳汁味雖然唔算好濃，不過入面都有唔少椰果同西米，幾抵飲。羅望子冰味道酸酸甜甜，有啲似話梅味。總結，粉麵都好大碗，食完都唔會空虛，座位好闊落舒服。