山城小麵 (懷仁街) (Closed)

今日趁放假就去咗每年一次洗牙服務後，順便係附近尋找美食，估唔到係呢頭都有D特色小店係度，趁早食番個美味午餐，就去個呢間重慶風味小店開飯餐牌已有多湯麵同特色小食提供，一定可以滿足到食慾，想食得超值就點了湯麵單人餐，包括一個主食同小食連飲品或糖水，先來主食有秘製排骨刀削麵份量幾足辣度點了小辣咁食先夠風味，排骨肉質香嫩帶肥美口感十足，再食啖刀削麵吸收辣油香味食得份外滋味輪到小食有我喜歡嘅蒜泥白肉晶瑩通透五火腩肉配生蒜泥同青瓜絲連蔥粒，一啖放入口咁食夠晒辛辣又惹味想解辣就要食埋糖水紅糖冰粉一入口已經滑滑香甜冰粉夠晒冰凍，眨眼已經唔辣即刻降溫真係有效一款解辣甜品咁又品嚐一餐重慶美食。