金田日式放題 (Closed)

為這間日式放題寫我第一篇的食評！一般食過的放題，可能係任食既關系，出餐雖然快，但好多都整得求求其其，用料亦唔夠新鮮，又要限時用餐，比人感覺係填飽個肚就算，而欠缺左食物既水準同服務既態度！所以自此對所有放題餐廳都有所保留，不敢再試！但早幾日上openrice搵飯開，見到呢間金田既好評唔錯，相片賣相都唔錯，膽粗粗就同男朋友去試下!7點上到去好彩唔洗等位，分配到二人檯！但個日同男朋友行完街一袋二袋，座位又比較少，待應醒目開多張chair比我擺野，等我地食得舒服d!呢個服務態度係值得一讚!!服務態度過關，就開始叫野食喇！1)首先緊係叫刺身做前菜！三文魚色澤新鮮，肥美!叫左好多轉!2)海膽手卷都值得一提，一般就算係散叫既日本料理都係得面頭有海膽，但呢個係包到尾都有海膽，海膽亦都好新鮮！好抵食呀真係！3)蒜片牛柳肉質都好好，蒜片都應該係即炸好脆，唔會係隔夜整定口感林哂。推介4)三文魚壽司亦都好新鮮肥美。5)燒物:一口腸，味道係台灣腸，亦都不會落太多油去燒，可以過下口癮係唔錯!6)燒物2:芝麻雞翼都好推介，剛燒起肉質和口感仍然係juice!燒汁既味道亦調得好好！7)口感好滑好滑好滑！出去食要廿幾3十