加東叻沙蝦麵

Open Now

Now Closed

見到有蔡欄推介又冇咩人，就入左去食，點左一個招牌叻沙，墨魚餅同串燒拼盤，味道講真係幾好食，服務態度都好好。但係我估大家見到以下既一個畫面就唔會想再去。係黎左墨魚餅同叻沙之後，我地見到我地點既串燒就燒緊，突然個後生仔就話"個爐又著火" 跟住佢隔離一個叔叔竟然除底口罩，直接用口吹個火，但係因為個爐係用錫紙遮住左，所以我地見唔到佢有冇吹落食物到。吹左一陣個後生仔就話好彩唔係燒到落客啲食物到，咁我地都算。我地食完之後聽到後面個枱情侶都點左一個串燒拼盤，就諗住睇下佢地會唔會都係咁吹。最後結果係冇令人"失望"，燒燒下又著火，今次首先係後生仔除口罩吹左兩下，搞唔掂再由隔離整叻沙既吹（仲要吹到有口水聲），再搞唔掂由樓面位叔叔吹多幾下。然後若無其事咁拎比我樓面枱情侶。 睇到呢到都相信唔洗再講啲咩，幾好食都唔會再幫襯。