晶晶甜品 (Moved) New Location

同朋友去大坑拉麵來朝聖後, 當然要行去天后食我地至愛的... 晶晶甜品!!!我好鍾意食甜品, 晶晶乜乜乜... 晶晶糖水的裝修10年如1日, 只係加了2塊竹簾遮住廚房位置... 減肥期間2個人食3碗都唔過份吖... 嘩咔咔咔... 玫瑰酒心薑汁湯圓同栗子芋蓉喳喳都是必吃的...晶晶甜品主打傳統中式糖水, 足料用心制作, 材料雖然簡單, 但一放入口就知有幾多粒Heart...玫瑰酒心薑汁湯圓 -- 皇牌!!! 日本團都係為佢而來, 薑湯堅辣, 玫瑰酒心湯圓的酒心唔係講玩, 堅哽, 好重酒味, 湯圓皮煙韌軟糯, 如果呢一世只可以食呢一種甜品, 我唔介意~栗子芋蓉喳喳--足料到接近係固體狀態, 喳喳豆豆煲得好軟腍, 充滿豆香, 加埋芋蓉的香味, 同香軟栗子, 堅好味到暈...杏仁芝麻糊--杏仁係我的天敵, 怕怕... (閃開) 愛死蔡san呢塊「食極唔肥」的金漆牌匾... 我都想擺番塊響屋企... 我地今日早來, 時間尚早, 無咩客人, 食完吹咗好耐水都無比人趕走, 直至店內接近8成滿, 我地都識做嘅, 自動埋單走人... 夜D來的話, 插針都插唔入, 堅要等位...想轉場飲o野繼續吹..