Video
Read full review
2018-01-17
2496 views
難得過上環，行過見到呢間餐廳外面裝修幾有特色，價錢唔算貴，得三張枱但1點呢啲時間冇人，於是決定入去試試，費事去其他餐廳要等位。入到去，坐低左，就發現其實入面冇乜特別，好簡單同刻板既格局，只是牆上有烏絲燈加稍深色既牆身，叫做有少少氣氛。是但選左個menu內接近最便宜既免治豬肉意大利粉，$128。呀侍應哥哥仲同我講好味。前菜好快上到黎，睇落以為味道會好似個樣咁精緻，不過入口普通。有口感，但味道簡單。旁邊既dressing好少同冇味，似真係為"dress"隻碟而落。不過我寧願呢個前菜好味啲。跟住佢上左一塊面包，冇講任何野。塊面包唔係意大利包，似係密度較高既白面包。跟住我問佢要左舊牛油，先發現枱旁邊有油醋。不過舊包的確較適合搽牛油多過點油醋。塊包係微暖既，搽牛油食OK。隔左幾分鐘，意大利粉到。呢個意粉唔係普通意粉，好似刀削面咁粗，有口勁，免治豬肉都係好有口勁，不過成碟野好普通。上既時候面頭有一大pat芝士粉，其實似乎係得個芝士粉味。可能我唔識欣賞。餐飲既話，咖啡要加$20，檸茶檸水唔洗加錢。野食咁既質素，我真係唔敢加錢叫咖啡。最好笑個侍應驚死我睇唔到部咖啡機，我揀完檸水之後，話我知個咖啡係即磨
入到去，坐低左，就發現其實入面冇乜特別，好簡單同刻板既格局，只是牆上有烏絲燈加稍深色既牆身，叫做有少少氣氛。
是但選左個menu內接近最便宜既免治豬肉意大利粉，$128。呀侍應哥哥仲同我講好味。
前菜好快上到黎，睇落以為味道會好似個樣咁精緻，不過入口普通。有口感，但味道簡單。旁邊既dressing好少同冇味，似真係為"dress"隻碟而落。不過我寧願呢個前菜好味啲。
跟住佢上左一塊面包，冇講任何野。塊面包唔係意大利包，似係密度較高既白面包。跟住我問佢要左舊牛油，先發現枱旁邊有油醋。不過舊包的確較適合搽牛油多過點油醋。塊包係微暖既，搽牛油食OK。
隔左幾分鐘，意大利粉到。呢個意粉唔係普通意粉，好似刀削面咁粗，有口勁，免治豬肉都係好有口勁，不過成碟野好普通。上既時候面頭有一大pat芝士粉，其實似乎係得個芝士粉味。可能我唔識欣賞。
餐飲既話，咖啡要加$20，檸茶檸水唔洗加錢。野食咁既質素，我真係唔敢加錢叫咖啡。最好笑個侍應驚死我睇唔到部咖啡機，我揀完檸水之後，話我知個咖啡係即磨既，指住佢部咖啡機。其實唔知呀侍應哥哥知唔知，大家樂/大快活既咖啡都係即磨既? 即磨咖啡值唔值錢，係睇用咩豆、邊個沖、沖得好唔好，而唔係指住部機就可以收多啲錢，開得餐廳，部部機既spec都差唔遠。
呢度唯一特別好既地方係，上菜好快。
簡單講，唔會有下次。
55 views
0 likes
0 comments
43 views
0 likes
0 comments
55 views
0 likes
0 comments
Post
