金鶴拉麵 (九龍城道) (Closed)

嚟緊開返晚市，就一定堂食Dinner拉麵！不過未有得夜晚堂食，夜晚想食其實都可以考慮外賣。3條友想食拉麵，我就負責自取啦。最好每人揀唔同嘅口味，咁就可以分享，一次過試晒唔同嘅湯底。於是就揀咗三份包括 1.雞白湯 2. 黑蒜醬油 3. 鹽味拉麵因為外賣仲可以慳返加一服務費，店員會幫手分湯。所以攞到返去即刻食仲可以熱辣辣而且唔會浸到林晒。我最鍾意佢嘅一定係雞白湯，因為味道好香濃香甜，口感順滑，用赤雞熬製成六個鐘，配搭食物豚肉及慢煮雞胸真係好match到！想食重口味嘅時候就會好鍾意佢個黑蒜醬油，自己絕對整唔到咁香濃，黑蒜味道好突出，未攞到返屋企已經喺條街度陣陣飄香，直程令到啲人會望吓望吓。有時想清清地，而且又有日本特色，小清新就會食鹽味拉麵，佢其實完全唔會寡，因為佢裏面仲有鰹魚高湯，配搭多款唔同海鹽，就可以更加食得出食材原本嘅香味。佢個拉麵麵餅都可以，我反而特別鍾意佢個慢煮雞，質感比想像中滑+好食，仲有糖心蛋，味道香甜，配搭其他材料例如木耳、紫菜，一份真係好豐富，絕對夠晒飽+滿足。menu