花子舍 (Closed)

今日有朋友出銅鑼灣搵我食飯，我即日望下openrice 有乜正優惠先，見到一間單點半價，就即刻online booking👍🏼地點唔難搵既，就係珀麗酒店門口，一入到去差不多全場滿座，眼見好多人叫burger... waitress 再拎menu 俾我，話單點半價只包括main course ，野飲都無半價，再望一望佢啲main 要$208-284，除非你揀炸魚薯條$120。我真係唔知道，如果佢正價會唔會有人係cafe 食二百幾蚊一個main，另一方面咁講，如果為左做半價而mark up 到咁，唔好咁啦！好彩3:30前仲有午餐，望返個午餐一口價，包湯/茶/啡，價格正常。我同朋友都轉返叫午餐，感覺好似比折完都要百幾蚊既main (*無野飲）來得實際🙄個拉花無南瓜味既咸濃湯，樣係好靚既，但飲完好頸渴。個burger 既漢堡煎得香但有啲散同乾身左啲，薯條脆脆係唔錯的，沙律配菜無任何sauce，而我朋友話個火龍果沙律唔錯，但佢哋推介既玫瑰咖啡係怪味，係幾得意既個味道。