越色牛肉粉餐廳 (Closed)

放工咁岩行經利苑發覺有一間越南餐廳，眼見門外排了一條長龍，好奇行去睇睇，見餐牌價格比其他相對便宜，見有時間一於排隊試一試，等左好一段時間，終於到我，話長唔長，話短唔短都等左成半個鐘，眼見個個都肯等咁耐，心諗應該都無衰啦！入到去雖然舖面細細，不過全場爆晒，場面真誇張，坐底拎餐牌睇，果然低食大多數都係我鍾意食嘅野！好！睇岩揮手叫人落單，雖然唔係即刻有人應我，但眼見個個侍應都好忙，算啦！見有人應就點菜啦！我點左一個火車頭，一客牛油雞亦，一份越式春卷，等左一陣，火車頭到啦！嘩！真係幾大碗啵，材料足，先試一啖湯，識食嘅一定先試湯底啖湯夠晒牛骨味！之後加香花菜，芽菜，再食果然不得了，牛腩夠冧，牛筋夠爽，牛肉夠鮮，只係6x夠晒抵食，再等多陣啲炸物都到埋，擺到成枱都係野夠晒霸氣，爽yy，先試牛油雞亦，正，必食之選，因為份量足，食得好飽，份春卷只好外賣，雖然打包要比一蚊，我都覺得抵嘅！成餐飯埋單連加一，二百幾，一個字抵，忍唔住再比貼士，放底三百唔駛找，整體黎講唔錯，近年越南菜上佳之選