花子舍 (Closed)

話說，我哋又去咗銅鑼灣玩密室，玩完一個又一個，最後終於肯收手。我好肚餓呀，M佬，快啲去搵嘢食。佢帶我行呀行，行到去信德街，轉彎就見到Rosedale酒店。嘩，咁正去酒店食？不過點知我哋過對面，見到間小餐廳，叫花子舍 Florahouse。一入到去，就見到花，全部都係花，又幾靚喎！好啦！快啲叫嘢食，我哋兩個叫咗兩個晚餐，有餐湯、沙律同飲品，都幾抵！南瓜忌廉湯嗰湯熱辣辣，金黃色，一嚟到就聞到好香南瓜味。啲南瓜蓉又磨得好滑， 正！煙三文魚田園沙律煙三文魚砌成玫瑰花型，沙律菜非常新鮮，好Juicy同爽口，加埋粟米同車厘茄， 好Fresh！羅勒煎帶子扁意粉帶子煎到啱啱好，外面金黃色，裏面仲係好鮮嫩多汁，入口彈牙。扁意粉煙靭啱啱好，加埋羅勒葉，好香！最後灑上少少檸檬皮碎，所以入口有少少酸，好醒胃。德國脆皮鹹豬手一嚟到，就已經聞到好香，外皮烤到勁香脆，食落又唔係好油膩。豬手肉就肥瘦適中，肉質軟嫰，識食一定係連皮食，真係無得彈！