Little Vegas

Open Now

Now Closed

係銅鑼灣好多美食，呢間係係樓上舖同埋冇啲好明顯嘅招牌，唔係朋友介紹小編應該都搵唔到😂明太子忌廉天使面 ($112)聽講係招牌，食落好creamy，天使面煮得啱啱好（小編好怕啲煮得太淋嘅天使面），明太子味都好出，面頭仲落咗好多木魚花，視覺上豐富唔少。墨汁海鮮意粉 ($124)墨汁意粉係預想之內嘅味道，不過意粉入面加左好多唔同嘅菌類，所以食落口感幾豐富，值得一讚係帶子煮得啱啱好，入口即融☺️不過小編食完抹嘴抹左好耐個嘴都仲係黑(｡ì _ í｡)雞翼好多重奏 ($78)水牛城|玫瑰|麻辣|柚子 4選3小編揀左水牛城，麻辣同埋柚子，水牛城啲醬比較多，小編覺得偏鹹。麻辣有驚喜，好似食緊譚仔麻辣湯底，小小麻不過唔會食得辛苦（小編嗜辣），不過小編朋友覺得偏辣。柚子係朋友同小編都覺得必選🤪甜甜地但唔會好漏，反而好清新，食完啲鹹野可以中和下。總體黎講性價比唔錯，啲食物都有驚喜！聽講平日中午有lunch set，下次會再試下。