老厝邊

Open Now

Now Closed

成日經過銅鑼灣渣甸街，見到呢間叫「老厝邊」嘅台式餐廳果陣都會有個問題，究竟「老厝邊」係咩意思呢？終於都係要問問Google 大神，發現原來「老厝邊」台語意思係老鄰居咁解。而位於銅鑼灣渣甸街嘅「老厝邊」主打平民價錢嘅台灣美食，餐廳環境刻意營造得比較樸素少少，但係餐牌價錢親民而份量絕對唔少呢方面就加重咗濃厚嘅人情味。我嗌咗一碗細嘅大腸麵線，上枱嘅時候我真係好擔心會倒瀉，因為真係裝得太滿喇，點會諗到竟然會咁足料。食落都冇令我失望，豬腸夠曬入味，麵線又夠幼滑。另外仲叫咗一個火腿起司蛋餅，啲芝士真係可以做到「拉絲」架，蘸埋醬汁，一啖咬落去，唔講以為自己喺台灣呀！最後仲嗌多一杯鐵觀音珍珠奶茶添。店員nice之外，食物又好味。今次真係唔使搭飛機，都有滿滿嘅台灣幸福感覺呀。