麻辣風雲 (京都廣場) (Closed)

媽媽冇煮飯，一家人出去食晚飯。一於食好啲去銅鑼灣駱克道491-499號京都廣場5樓的麻辣風雲食麻辣四川菜。水煮牛肩肉 $268 大大盤水煮牛肩肉面頭舖滿辣椒，散發住辣椒的香味，即刻刺激口腔分泌口水，增加食慾，上面仲加埋芝蔴和芫茜，芫茜味正呀，我鍾意！嫩滑的牛肩肉沾上水煮辣汁，放入口香辣味係口腔爆發出黎。仲有口感Q彈，煙煙靭靭的寛薯粉，好味呀！黑松露煙燻溏心蛋$68 半熟的溏心蛋用煙燻過來，有好香的煙燻香味，加左黑松露係面，黑松露混合左蛋液，黑松露的獨特香味和蛋黃超夾，見到啲蛋汁係蛋白度流出來，真係流曬口水呀🤤黑糖脆炸糍粑＄58糍粑其實即係無涵的糯米糍，一條條的長立方糯米糍用油炸的，炸到外層脆卜卜，淋上黑糖漿和灑上黃豆粉，食落去充滿濃的黑糖味和黃豆粉，香甜味係口裏溶化，好正的飯後甜品呀！椰汁冰 ＄38 香濃幼滑，椰子汁冰冰涼涼，食完辣野飲番啖，冰涼解辣。