Video
Read full review
2024-05-01
22 views
Royal Inn 雖然位於銅鑼灣鬧市，但入到去個環境好靜好舒服，可以避開晒啲人潮。佢哋主打法式嘢食，每碟都整得好靚🫶🏻，未食已經流晒口水😻。首先食咗個法國鴨胸紅菜頭沙律🥗。鴨胸好嫩，肉味好濃，配埋酸酸甜甜嘅紅菜頭汁，好fresh好開胃。沙律面頭仲有啲feta cheese，口感豐富，味道夾得啱啱好👌🏼，食完仲想再食！主菜方面，紅酒燴牛肋肉意大利飯真係正到爆🤤！牛肋肉炆得好淋，入口即溶，紅酒味滲晒入啲飯，味道酸酸地唔會太膩。意大利飯軟硬適中，每一啖都好滿足。另一個主菜法式大蒜蘑菇忌廉烤雞都相當唔錯🥘。烤雞皮脆肉嫩，加埋香噴噴嘅蒜蓉蘑菇忌廉汁，味道好豐富。個汁份量啱啱好，唔會搶哂雞肉本身嘅味道，反而令成碟嘢更好食。總括黎講，Royal Inn 真係唔錯，嘢食高質，味道同服務有一定水準👨🍳。餐廳環境舒服，啱晒同朋友聚會或者同另一半撐枱腳傾下計👫。
首先食咗個法國鴨胸紅菜頭沙律🥗。鴨胸好嫩，肉味好濃，配埋酸酸甜甜嘅紅菜頭汁，好fresh好開胃。沙律面頭仲有啲feta cheese，口感豐富，味道夾得啱啱好👌🏼，食完仲想再食！
主菜方面，紅酒燴牛肋肉意大利飯真係正到爆🤤！牛肋肉炆得好淋，入口即溶，紅酒味滲晒入啲飯，味道酸酸地唔會太膩。意大利飯軟硬適中，每一啖都好滿足。
另一個主菜法式大蒜蘑菇忌廉烤雞都相當唔錯🥘。烤雞皮脆肉嫩，加埋香噴噴嘅蒜蓉蘑菇忌廉汁，味道好豐富。個汁份量啱啱好，唔會搶哂雞肉本身嘅味道，反而令成碟嘢更好食。
總括黎講，Royal Inn 真係唔錯，嘢食高質，味道同服務有一定水準👨🍳。餐廳環境舒服，啱晒同朋友聚會或者同另一半撐枱腳傾下計👫。
Post
