花園餐廳 (淘大商場3期) (Closed)

去完淘大逛Donki就在附近搵飯食，周圍都好多人，間間餐廳都要排隊，見到有花園餐廳，竟然唔需要排隊就入去食。被安排到近門口的二人檯，位置唔算好好，不過唔駛等位就算啦。鐵板牛扒一向都比較吸引，難得來到一於就點鐵板牛扒啦。我們分別點了黑椒西冷扒及蒜蓉肉眼扒，配有餐湯，餐包及餐飲，每個餐$80左右另外再加一。餐湯不夠酸，味道稍淡。餐包微暖，熱力不至於溶化牛油，但都鬆軟，可以接受。鐵板牛扒上檯時有另一個侍應拿著一桶黑椒汁及一桶蒜蓉汁，即場為牛扒淋上，鐵板發出吱吱響，飄來陣陣香氣。牛扒軟淋，不韌，味道不錯，只是肉眼扒份量有點少。牛扒下面有薯條，吸收了醬汁的味道，不錯。