頭檔大排檔

Open Now

Now Closed

今晚媽咪話唔想煮飯， 只想有人煮比佢食， 我話咁好啦我地出去食，你想食咩呀， 佢話想找個地方啤啤佢食下小炒食下烤魚， 咁我明了， 我老豆即話， 你媽想去大排檔食呀仲洗問咩！ 係嘅係嘅我收到。我地就去了香車街街市樓上的頭檔大排檔食，呢到唔太熱因冷風機風力強勁。我自己帶左幾支啤酒來比媽咪和老豆飲， 之後就叫左 蜜椒薯仔牛柳粒，黃金蝦球，蒜茸粉絲蝦干蒸勝瓜和酸菜烤魚。蜜椒薯仔牛柳粒 - 真係好夠鑊氣牛柳粒甜絲絲夠淋又有小小黑椒的香氣。黃金蝦球 - 蝦球炸好再放入咸蛋炒勻，每件蝦球都沾滿咸蛋， 蝦球夠大隻， 鍾意咸蛋菜式的人必點。蒜茸粉絲蝦干蒸勝瓜 - 好有驚喜的一碟菜式，因估唔到會用上咁多蝦乾蒜茸去蒸個勝瓜， 咁樣蒸真係幾好味。酸菜烤魚 - 來到今晚主角， 我地成家都係愛吃魚之人， 所以就算天氣熱都會叫烤魚食的， 大大條魚冇細骨啖啖肉，魚肉吸收哂個湯汁，酸酸辣辣，越食越想食，而底下用好多唔同的配菜，有大豆芽，酸菜， 豆卜， 薯粉咁， 成盤好豐富。今晚老豆媽咪都飲飽食醉好滿足，話下次媽咪唔煮飯時再來食過。