Video
Read full review
2019-01-12
947 views
見到made in Hong king唔知係唔係好多人嘅諗法同我一樣呢？信心保證，因為至少唔係made in China呀😂對於食，有時真係唔敢以身試伏，祖國食物，真係令人有所介心😵呢間made in Hong Kong，係貼晒地嘅正宗港式西餐。味道當然配合返港人嘅口味；至於價錢，算中低，可接受。晚餐時段有套餐供應，有飯意粉類之外仲有鐵板餐。抱住一個以身試伏嘅心態食野，往往有驚喜！🌟T 骨鐵板餐有餐湯同餐包；粟米忌廉湯唔重忌廉味，唔肥仔之餘配重香牛油餐包感覺match到爆！鐵板上桌仲炸炸聲，淋上菇汁，香味出晒嚟😋肉質勁軟腍， 開頭唔會預期喺呢啲餐廳會食到好食嘅扒， 點知真係out of imagine! 肉汁仲鎖住喺裏面🥩，仲唔over cook!係5成就5成，鐵板燒埋都係5成熟，內裏肉質仲係粉紅色架！ 配菜焗薯好大個， 每人一半食完都會飽咗一半；面頭嘅酸忌廉係精髓，雖然酸忌廉份量唔多，但係如果個汁唔夠，點返鐵板上嘅蘑菇汁一齊食，又係另外一番享受🍴！。見到隔離嗰枱叫咗一個粉，店員會用鉸剪剪開個包裝，覺得好得意，所以我哋都叫咗。😋焗紙包蒜香香草白酒蜆意粉 $108 軟淋程度100分，最怕
對於食，有時真係唔敢以身試伏，祖國食物，真係令人有所介心😵
呢間made in Hong Kong，係貼晒地嘅正宗港式西餐。味道當然配合返港人嘅口味；至於價錢，算中低，可接受。
晚餐時段有套餐供應，有飯意粉類之外仲有鐵板餐。抱住一個以身試伏嘅心態食野，往往有驚喜！🌟T 骨鐵板餐有餐湯同餐包；
粟米忌廉湯唔重忌廉味，唔肥仔之餘配重香牛油餐包感覺match到爆！
鐵板上桌仲炸炸聲，淋上菇汁，香味出晒嚟😋
肉質勁軟腍， 開頭唔會預期喺呢啲餐廳會食到好食嘅扒， 點知真係out of imagine! 肉汁仲鎖住喺裏面🥩，仲唔over cook!係5成就5成，鐵板燒埋都係5成熟，內裏肉質仲係粉紅色架！ 
配菜焗薯好大個， 每人一半食完都會飽咗一半；面頭嘅酸忌廉係精髓，雖然酸忌廉份量唔多，但係如果個汁唔夠，點返鐵板上嘅蘑菇汁一齊食，又係另外一番享受🍴！。
見到隔離嗰枱叫咗一個粉，店員會用鉸剪剪開個包裝，覺得好得意，所以我哋都叫咗。
😋焗紙包蒜香香草白酒蜆意粉 $108
軟淋程度100分，最怕啲意粉焗到淋曬， 雖然包住咗，仲有啲汁浸住咗，但因為佢煮嘅時候唔會煮過時，所以出到嚟嘅效果係啱啱好；蒜香味道唔係話好重，但係連同一啲香草依附咗喺意粉上面，件事即刻變fresh🌟。
Made in Hong Kong 真正配合番香港人嘅口味，唔好期望喺度會搵到米芝蓮質素嘅正宗西餐質素，都唔好期望喺呢度會搵到正宗茶記嘅味道；但係佢將兩樣嘢結合埋一齊而配合得非常好，呢樣嘢就形成咗呢間餐廳嘅獨特特色👍
Post
