勝手 (Closed)

今日難得同〈獅子老公〉一齊放假，行街街拍拍拖是常識吧。同老公係銅鑼灣買完嘢之後，又係時候吃午餐，咁難得嘅機會梗係要同老公去食日式午餐定食就喺百德新街度有間叫〈勝手〉嘅日本餐廳，定價都好似幾抵，最平唔使100$就有交易，所以決定入去一試。😝😝😝原來除左定食外，仲有其他燒物。每份午市套餐都有沙律，前菜同湯物。沙律菜夠新鮮爽脆，仲另外加咗幾件鮮橙，好有心思！！湯物唔係普通嘅面豉湯。除了有常見嘅豆腐同金菇外仲加咗鮮番茄粒，酸酸地，好正！！前菜係茄子漬物，醃得好好食，雪到凍凍地，極度開胃〈銀鱈西京燒定食〉終於到定食登場，每份餐都有一碗加左飯素嘅飯，侍應姐姐見獅子老公高頭大馬，仲特登俾咗碗加大分量嘅飯，好貼心❤❤❤講返條銀鱈魚先，外層燒得微微焦香，好吸引！！急不及待的夾開來看看魚肉部分，豐盈嘅魚油閃閃發亮，肉質非常油潤。雪白嘅魚肉醃到入曬味，絕對不會腥之餘仲有好香甜嘅西京燒味道，配埋卜卜脆嘅外皮，超正〈豚肉生薑燒定食〉豚肉燒嘅份量好大份，熱辣辣香噴噴的登場。豬肉片淋滑但仲保持到咬口，仲充滿洋蔥既香甜味，加上微微生薑辛辣，味道濃郁得嚟好惹味，真係大大碗飯都食得落。最後仲有Q彈煙韌既黃豆粉蕨餅做甜品，